Tul is-sena, Radju Leħen il-Qala jkun impenjat li joffri diversi programmi lis-semmiegħa tiegħu. Barra dawn il-programmi ta’ kuljum jiġu mxandra b’mod dirett mill-knisja arċipretali tal-Qala, ir-reċita tar-Rużarju mqaddes (jew il-Via Sagra fiż-żmien tar-Randan) u l-Quddiesa. Fl-okkażjonijiet ta’ festi bħall-Immakulata Kunċizzjoni, il-Milied, l-Għid il-Kbir, u l-festa ta’ San Ġużepp l-iskedi jkunu speċjali u mżewqa b’kontribut ta’ madwar tmenin voluntier.