Bdiet sena ġdida u hekk ġiet fi tmiema l-iskeda tal-Kunċizzjoni u l-Milied. Nixtiequ nirringrazzjaw lil kull min b’xi mod jew ieħor kien involut fis-suċċess ta’ din l-iskeda. Bħalissa qed isiru l-preparamenti fuq skeda oħra li ser takumpanjana f’dan iż-żmien tas-sena, sakemm imbagħad nagħtu bidu għall-iskeda speċjali fi żmien Għid. Dettalji ta’ din l-iskeda daqt tkunu tistgħu ssibuhom fis-sezzjoni Skeda.

Insellmilkom. Qegħdin fi żmien tassew sabiħ tas-sena. Mhux tant għax it-tfal jifirħu billi huma festi marbutin ħafna ma’ l-età tagħhom – u l-Milied iżjed minn kull festa oħra –, imma għax lilna lkoll ifakkarna fil-fidwa tagħna, ġrajja unika għall-umanità. Jalla dan il-mezz tax-xandir, li hu r-radju tal-komunità tagħna, Radju Leħen il-Qala, ikompli jservi biex tixxandar din il-ġrajja, il-preżenza ta’ Kristu fid-dinja u l-ħidma tiegħu biex aħna nilħqu l-iskop ta’ l-eżistenza tagħna: il-bini tal-familja ta’ Alla.